Eftir langa rannsókn og margar tilraunir komst ég að eftirfarandi. Dáleiðsla tengist og er notuð í sálfræði. Skýrdraumar tengjast sálinni en ekki beint sálfræði. Þ.e.a.s. Skýrdraumar geta verið notaðir til þess að finna út úr erfiðleikum á meðvitundarlausu stigi og hjálpað til við andleg vandamál. Ég velti því mikið fyrir mér hvort skýrdraumar verði notaðir í framtíðinni í sálfræði þó ég geti ýmindað mér að sálfræðingar bendi sjúklingum á að prófa skýrdrauma til aðstoðar við sálfræði meðferðina. Dáleiðsla, hins vegar, er notuð í sálfræði meðferðum og þá til þess að t.d. hjálpa að hætta að reykja, grenna sig eða þá til dæmis til þess að takast á við sviðskrekk. Dáleiðslan er þó ekki mjög algeng og oft hluti af einhverri annarri meðferð og notuð til þess að hjálpa til. En eitt er víst að dáleiðsla í sálfræði og á sviði er alls ekki sú sama. Á sviði er þetta notað til skemmtunar og næstum niðurlægingar en í klínískri dáleiðslu er þetta notað til þess að hjálpa fólki. Einnig er ákveðin tegund af dáleiðslu notuð í sviðsdáleiðslu sem virkar ekki á alla, eða bara um 30% fólks. Það er tillögun og áhrifagirni. En eins og ég segi í dáleiðslutextanum mínum verða allir fyrir nokkurs konar dáleiðslu því orðið dáleiðsla er mikið víðara hugtak en margir halda, því það á við svo mikið af mismunandi hugarástöndum.

​

Niðurstöður mínar úr tilraunum mínum með skýrdrauma voru jákvæðar en þær voru að ég gat skýrdreymt eftir að hafa fylgt leiðbeiningum og hugmyndum sem ég fann á netinu eftir 4-5 daga. Meira um það má sjá í rannsóknarkaflanum mínum um skýrdrauma.

​

Út frá könnuninni má sjá það að konur verða mikið fyrir svefntruflunum af mismunandi ástæðum en algent var að ástæðan á bak við það væri kvíði og annars konar andleg vandamál. Það segir mér að draumar og svefn tengist einnig sálfræði á þennan hátt. Andleg vandamál tengja þau saman. Þetta fannst mér mjög áhugavert. Fólk sem tekst á við andleg og geðræn vandamál þarf á svefni að halda og mér finnst mikilvægt að fólk gleymi ekki mikilvægi þess að sofa.

​

Eftir allar mínar rannsóknir fékk ég þessar niðurstöður og ég er mjög sátt við þær. Ég vann mikið og hart að mér og mér fannst þetta afar skemmtilegt verkefni.