Áður en vísindaleg þekking okkar á svefni og draumum var svona mikil trúðu menn að draumar væru eins konar fyrirboðar sem sýndu okkur framtíðina, ef túlkaðir á réttan hátt.  Draumar hafa fylgt okkur mannkyninu frá upphafi og í gegnum árþúsundin hafa menn spáð í drauma sína. Fyrstu rituðu heimildirnar um táknmál og merkingu drauma eru frá Forn-Egyptum komnar. Þeir skrifuðu bók sem er talin elsta draumaráðningabók heims með um 200 draumaráðningum, rituð um 1300 fyrir krist. Forn-Grikkir höfðu einnig mikið dálæti á draumum. Þeir nýttu sér hugmyndir Egypta, Babýlóníumanna[1] og fleiri fornþjóða til að túlka drauma sína. Hugmyndir þessara gömlu menningarþjóða gátu verið afar mismunandi. Grikkir töldu t.d. að slöngur í draumum sínum fyrirboða sjúkdóma og fjandskapar en Assýríumenn[2] álitu að ef menn veiddu slöngur í sínum draumi nytu þeir sérstakrar verndar æðri máttarvalda. Draumar hafa líka skipt miklu máli í íslenskri menningarsögu allt frá fyrstu tíð og Íslendingar trúað því að þeir hefðu ákveðinn boðskap fram að færa. Sem dæmi má nefna að í Íslendingasögunum okkar frægu eins og t.d. í Gíslasögu vildi Gísli ekki segja frá draumi sínum því þá vissi hann að það myndi rætast úr honum. Sem annað dæmi má nefna drauma Guðrúnar Ósvífursdóttur úr Laxdælu. Þá fjóra fékk hún Gest Oddleifson til þess að ráða. Dreymdi henni þá fjórar gersemar, tvo hringi og tvo eins konar hjálma. Gestur sagði draumana alla tákna það sama. Gersemarnar væru menn hennar. Hún skyldi eignast fjóra menn. Þann fyrsta myndi hún skilja við, annar myndi drukkna, sá þriðji yrði veginn með vopni en fjórða hjónabandið skyldi heppnast. Við getum líka lesið um drauma í Biblíunni, en þar réði Daníel t.d. drauma Nebúkadnesars, þó að merkilegastur sé Opinberun Jóhannesar, en þar sagði hann fyrir um heimstyrjaldirnar og fall Nasista. Draumar hafa vakið mönnum furðu og ótta, verið taldir búa yfir dularmætti, segja fyrir um óorðna hluti og að í þeim felist skilaboð frá guðum og handanheimum. Það eru forn vísindi að ráða drauma þó enn í dag trúir fólk á draumaráðningar og til eru fjölmargar draumaráðningabækur, hvort sem þær séu vísindalegur sannleikur eða til skemmtunar. 

​

 

[1] Babýlon var fornaldarborg í Mesópótamíu, en leifar hennar má enn sjá í borginni Al Hillah í Babilfylki, Írak, um það bil 80 km frá Bagdad.

[2] Assýría var stórveldi sem ríkti yfir frjósama hálfmánanum, Egyptalandi og stórum hluta Litlu-Asíu í fornöld.